நடிகர் விஜய்-ன் தலைவா படத்திற்கு தடை: இதுதான் காரணமா?

நடிகர் விஜய்-ன் தலைவா படத்தை வெளிவராமல்  தடுத்தது ஜெயலலிதா தலைமையிலான அரசுதான் என்று திரைப்பட தயாரிப்பாளர் ஜெ.அன்பழகன் தற்போது குற்றம் சாட்டியுள்ளார்.

இன்றைய இளசுகளின் சூப்பர் ஹீரோ நடிகர் விஜய் -ன் தலைவா படம் சில மாதங்களுக்கு முன்பு வெளியானது. அப்போது அந்தப்படம் வெளியாவதில் பெரும் பிரச்சினையை சந்தித்தது. இதற்குக் காரணம் யார் ? என்ற கேள்வி எழுந்தது.

கமலா திரையரங்கில் கககபோ படத்தின் இசை வெளியீட்டு விழாவில், திரைப்பட தயாரிப்பாளரும், திமுக எம்எல்ஏவுமான ஜெ.அன்பழகன் பேசுகையில், தலைவா படத்தைத் தடுத்ததே ஜெயலலிதா தலைமையிலான அரசுதான் என்று  குற்றம் சாட்டினார்.

முதல்வர் ஜெயலலிதாவுக்கும் இந்தப் பட பிரச்சினைக்கும் எந்த சம்பந்தமும் இல்லை என்று நடிகர் விஜய் ஏற்கனவே விளக்கம் கொடுத்துவிட்ட நிலையில், ஜெ.அன்பழகன் எதை மனதில் வைத்து இப்படி சொல்கிறார் என தெரியவில்லை.