சூர்யா மற்றும் சசிகுமார் மட்டுமே சமூகக் கண்ணோட்டத்தோடு நடிக்கிறார்கள்.. சுசீந்தரன் பாராட்டு!

சசிகுமார், புகழ் மற்றும் போஸ் வெங்கட் உள்ளிட்ட பலர் நடிப்பில் மந்திரமூர்த்தி இயக்கத்தில் டிரைடண்ட் ஆர்ட்ஸ் நிறுவனம் தயாரித்துள்ள ‘அயோத்தி’ திரைப்படம். சமீபத்தில் இந்த படம் வெளியாகி பாஸிட்டிவ்வான விமர்சனங்களைப் பெற ஆரம்பித்துள்ளது. அயோத்தியில் இருந்து ராமேஸ்வரத்துக்கு புனிதப் பயணம் வரும் ஒரு குடும்பத்தில் நடக்கும் இறப்பு மற்றும் அது சம்மந்தமான பிரச்சனைகளை மனிதம் கலந்து சொல்லி இருக்கும் இந்த படம் இப்போது பார்வையாளர்களைக் கவர தொடங்கியுள்ளது. இந்த வாரம் வெளியான படங்களில் மற்ற படங்கள் பெரிதாகக் கவராத நிலையில் சசிகுமாருக்கு நீண்ட நாட்களுக்குப் பிறகு ஒரு ஹிட் படமாக இந்த படம் அமையும் என எதிர்பார்க்கப்படுகிறது.

இந்நிலையில் படம் பரவலாக பாராட்டுகளைக் குவித்து வரும் நிலையில் இயக்குனர் சுசீந்தரன் படக்குழுவினரைப் பாராட்டியுள்ளார். அதில் “சூர்யா சார் மற்றும் சசிகுமார் போன்றோர்தான் சமூக கண்ணோட்டத்தோடு படம் நடிக்கிறார்கள். மனிதத்தைப் போற்றும் அயோத்தி திரைப்படத்தைப் போற்றுவோம். சிறப்பான திரைப்படம். சசிகுமார் அண்ணனுக்கு என் வாழ்த்துகள்” எனக் கூறியுள்ளார்.