துருவ நட்சத்திரம் படத்தின் பின்னணி இசைப் பணிகளை தொடங்கிய ஹாரிஸ்!

கௌதம் மேனன் இயக்கம் மற்றும் தயாரிப்பில் உருவான திரைப்படம் துருவ நட்சத்திரம். ஆனால் பைனான்ஸ் பிரச்சனைகள் காரணமாக  2017 ஆம் ஆண்டு தொடங்கப்பட்ட துருவ நட்சத்திரம் படம் பல ஆண்டுகளாக கிடப்பில் கிடக்கிறது. இதனால் கௌதம் மேனனுக்கும் விக்ரம்முக்கும் இடையே பிரச்சனை எழுந்ததாக தகவல்கள் வெளியாகின.

இப்போது மீண்டும் சில காட்சிகளை படமாக்கி படத்தை முடித்துள்ளதாக தெரிகிறது. அதையடுத்து ஹாரிஸ் ஜெயராஜ் படத்துக்கான பின்னணி இசைக் கோர்ப்புப் பணிகளை மேற்கொண்டார் எனவும் சொல்லப்படுகிறது. இதனால் படம் விரைவில் ரிலீஸ் ஆகும் என தெரிகிறது. படத்தை விஜய்யின் லியோ பட தயாரிப்பாளர் லலித்குமார் ரிலீஸ் செய்ய உள்ளதாக சொல்லபடுகிறது.

இந்நிலையில் இப்போது படத்தின் பின்னணி இசைக்கோர்ப்பு பணிகளை இசையமைப்பாளர் ஹாரிஸ் ஜெயராஜ் தொடங்கியுள்ளதாக தகவல்கள் வெளியாகியுள்ளன. ஏற்கனவே இந்த படத்துக்காக ஹாரிஸ் இசையமைத்த இரண்டு பாடல்கள் வெளியாகி நல்ல வரவேற்பைப் பெற்றன என்பது குறிப்பிடத்தக்கது.