தனுஷின் அடுத்த திரைப்படம் அரசியல் கதைக்களமா? ராமநாதபுரத்தின் முக்கிய சம்பவம்..!

தனுஷ் தற்போது 'போர் தொழில்' பட இயக்குனர் விக்னேஷ் ராஜா இயக்கத்தில் ஒரு திரைப்படத்தில் நடித்து வருகிறார். இதன் முதல் கட்ட படப்பிடிப்பு சென்னை அருகே விறுவிறுப்பாக நடைபெற்று வருகிறது. இந்நிலையில், படத்தின் இரண்டாம் கட்ட படப்பிடிப்பு ராமநாதபுரத்தில் தொடங்கவுள்ளதாக தகவல் வெளியாகியுள்ளது. இதற்கான ஆரம்பகட்ட பணிகளை கவனிக்க படக்குழுவினர் ராமநாதபுரம் சென்றுள்ளனர்.

இந்த திரைப்படத்தின் கதைக்களம் 1990 மற்றும் 91 ஆம் ஆண்டுகளில் ராமநாதபுரத்தில் நடந்த ஒரு முக்கிய சம்பவத்தின் அடிப்படையில் அமைந்திருப்பதாக கூறப்படுகிறது. மேலும், இந்த சம்பவத்துக்குப் பின்னணியாக ஒரு அரசியல் கட்சி இருப்பது போன்றும், ஒரு உண்மைக்கதையை தழுவி இப்படம் உருவாகி வருவதாகவும் தெரிகிறது.

தனுஷ் ஏற்கனவே 'கொடி' போன்ற ஒரு சில அரசியல் கதை அம்சம் கொண்ட படங்களில் நடித்திருப்பதால், அவரது அடுத்த படமும் அரசியல் பின்னணியை கொண்டதாக இருக்கும் என எதிர்பார்க்கப்படுகிறது.

இந்ப் படத்தில் இன்னொரு முக்கிய நடிகர் இணையவுள்ளதாகவும், அவர்தான் படத்தின் வில்லனாக இருக்க வாய்ப்புள்ளது என்றும் கூறப்படுகிறது. தனுஷின் இந்த புதிய படம், அரசியல் மற்றும் திரில்லர் கலந்த ஒரு விறுவிறுப்பான அனுபவத்தை ரசிகர்களுக்கு வழங்கும் என எதிர்பார்ப்புகள் எழுந்துள்ளன.

Edited by Siva