நான் பிற மொழிப் பாடல்களில் இருந்து காப்பியடிக்கக் காரணமே அவர்கள்தான்… ரகசியம் பகிர்ந்த தேவா!

தமிழ் சினிமாவில் 80 களின் இறுதியில் அறிமுகமாகி மிகப்பெரிய அளவில் ஏற்றம் கண்ட இசையமைப்பாளர் தேனிசைத் தென்றல் தேவா. 90 களில் ரஹ்மான் மிகப்பெரிய அளவில் கோலோச்சிக்கொண்டிருந்த போதும் தேவா தனக்கென ஒரு ரூட்டைப் போட்டுக்கொண்டு வெற்றி நடை போட்டுக் கொண்டிருந்தார்.

90 களில் ரஜினி, கமல், விஜய், அஜித், பிரசாந்த் எனப் பல முன்னணி நடிகர்களின் படங்களுக்கு இசையமைத்து உச்சத்தில் இருந்தார். ஆனால் காலம் செல்ல செல்ல அவரின் பல ஹிட் பாடல்கள் பிற மொழி பாடல்களில் இருந்து காப்பியடிக்கப்பட்டவை என்பது தெரியவந்தது. இது சம்மந்தமாக அவரை ட்ரோல் செய்யும் பதிவுகளும் அவ்வப்போது வெளியாகின.

இந்நிலையில் இதுபற்றி பேசியுள்ள தேவா “என்னிடம் பாடல் கம்போஸிங் வரும்போதே இயக்குனர்களும் தயாரிப்பாளர்களும் எதாவது ஒரு ஹிட் பாட்டை எடுத்துக் கொண்டு இதே போல வேண்டும் என்பார்கள். என்னால் அப்போது பிடிவாதமாக மறுக்க முடியாத சூழல். அதனால் நான் அவர்கள் கேட்டதை போட்டுக் கொடுத்துவிடுவேன். பிற்காலத்தில் யுடியூப் வாட்ஸ் ஆப் எல்லாம் வரும் என்று நான் நினைக்கவில்லை.” என ஜாலியாக பேசியுள்ளார்.