ஸ்க்விட் கேம்ஸ் சீரிஸின் ஆங்கில ரீமேக்கை இயக்கும் ஹாலிவுட் இயக்குனர் டேவிட் பின்ச்சர்!

கொரியன் சினிமா மற்றும் சீரிஸ்களுக்கு உலக அளவில் ரசிகர்கள் உண்டு. ஹாலிவுட் சினிமாக்களுக்கு பின்னர் அதிக ரசிகர்களைக் கொண்ட சினிமா உலகமாக கொரியன் சினிமா உள்ளது. இந்நிலையில் நெட்பிளிக்ஸில் ஒரு மாதத்துக்கு முன்னர் வெளியான ஸ்கிவிட் கேம்ஸ் என்ற சீரிஸ் உலகளவில் கவனத்தைப் பெற்று பார்க்கப்பட்டது.

இந்த தொடர் குறித்து பேசிய நெட்பிளிக்ஸின் தலைமை செயல் அதிகாரி ‘இந்த தொடர் உலக அளவில் பிரம்மாண்டமாக ரசிகர்களை சென்று சேரும். ஆங்கிலமல்லாத தொடர்களில் நம்பர் ஒன் சீரிஸாக மாறும்’ எனக் கூறியுள்ளார். வெளியானதில் இருந்து சுமார் 11 கோடி பேரால் நெட்பிளிக்ஸ் தளத்திலேயே பார்க்கப்பட்டுள்ளதாம். இதையடுத்து இரண்டாம் பாகம் டிசம்பர் மாதம் ரிலீஸாகவுள்ளது.

இந்நிலையில் ஸ்க்விட் கேம்ஸ் சீரிஸின் ஆங்கில ரீமேக்கை இயக்குனர் டேவிட் பின்ச்சர் இயக்க ஒப்பந்தம் ஆகியுள்ளார். சீரிஸுக்கான திரைக்கதையை டென்னிஸ் கெல்லி எழுதிவருகிறார். விரைவில் நடிகர் நடிகைகள் மற்றும் தொழில்நுட்பக் கலைஞர்கள் பற்றிய விவரம் வெளியாகும் என சொல்லப்படுகிறது.