ஜுலை 15 நடைபெறுவதாக இருந்த நடிகர் சங்க தேர்தலை எதிர்த்து விஷால் தரப்பினர் தொடுத்த வழக்கில், தேர்தலுக்கு இடைக்கால தடை விதித்து நீதிபதி உத்தரவிட்டார்.
இந்தத் தீர்ப்பு எங்களுக்கு கிடைத்த முதல் வெற்றி என நடிகர் விஷால் தொலைக்காட்சிக்கு அளித்த பேட்டியில் குறிப்பிட்டார்.
தீர்ப்பைத் தொடர்ந்து பத்திரிகையாளர்களை சந்தித்த சரத்குமார், நடிகர் சங்க தேர்தல் இதுவரை நியாயமாகவே நடைபெற்று வந்துள்ளது. விரைவில் நடைபெறவிருந்த தேர்தலுக்கான பணிகளும் சீராக நடைபெற்று வந்தநிலையில் நீதிமன்றத்தின் இந்தத் தீர்ப்பு அதிர்ச்சி அளிக்கிறது. வரும் திங்கள்கிழமை இந்தத் தடையை எதிர்த்து நடிகர் சங்கம் சார்பில் மேல்முறையீடு செய்யப்படும் என்றார்.
