ஆபாசம் இல்லாத ஃபீல்குட் வெப் சீரிஸ்… சேரன் இயக்கிய ‘ஜர்னி’ ஜனவரி 12 ல் ரிலீஸ்!

தமிழ் சினிமாவில் பாரதி கண்ணம்மா, பொற்காலம் மற்றும் ஆட்டோகிராப் உள்ளிட்ட படங்கள் மூலமாக முத்திரைப் பதித்தவர் இயக்குனர் சேரன். ஆட்டொகிராப் திரைப்படத்தின் மூலமாக நடிகராகவும் அறிமுகமாகி, பல வெற்றிப் படங்களைக் கொடுத்தார். ஆனால் ஒரு கட்டத்தில் அவருக்கு படங்கள் இயக்க வாய்ப்புகள் அமையவில்லை.

இதற்கிடையில் பிக்பாஸ் நிகழ்ச்சியில் கலந்துகொண்டார். அதையடுத்து அவர் இப்போது ’ஜர்னி’ என்ற வெப் தொடரை இயக்கி முடித்துள்ளார். சேரன் இயக்கும் இந்த தொடரில் ஆரி, சரத்குமார், பிரசனன, கலையரசன், திவ்யபாரதி உள்ளிட்டோர் நடித்துள்ளனர்.

சோனி லிவ் நிறுவனம் தயாரித்துள்ள இந்த வெப் தொடர் ஜனவரி 12 ஆம் தேதி வெளியாக உள்ளது. இந்த தொடர் வெப் சீரிஸ்களுக்கே உண்டான ஆபாசம் மற்றும் கெட்ட வார்த்தைகள் ஏதுமின்றி முழுக்க முழுக்க ஃபீல் குட் சீரியஸாக உருவாகியுள்ளதாக சொல்லப்படுகிறது.