மலேசிய ரசிகர்களுடன் பிறந்தநாள் கொண்டாடிய நடிகர் தனுஷ்!

தமிழ் சினிமா உலகில் பன்முக திறமை கொண்டவர் நடிகர் தனுஷ். நடிகர், தயாரிப்பாளர், பாடகர், பாடலாசிரியர் என பன்முகம் கொண்ட தனுஷ், தற்பொழுது இயக்குநரகவும் உருவாகியுள்ளார். தற்போது அவர் தனது 33 வது பிறந்தநாளை கொண்டாடுகிறார்.

விஐபி 2 படத்தின் விளம்பர நிகழ்ச்சிகளுக்காக மலேசியா சென்றுள்ள தனுஷ், அங்குத் தனது பிறந்தநாளைக்  கொண்டாடியுள்ளார். தனுஷ் மலேசிய ரசிகர்களின் அன்பை கண்டு மகிழ்ந்துள்ளதாக ட்வீட் செய்துள்ளார். மேலும் ரசிகர்கள்  எனக்காக பிறந்தநாள் பாடலை பாடியபோது மிகவும் உருகினேன் என பதிவிட்டுள்ளார்.

வேலையில்லா பட்டதாரி 2 படம், தனுஷ் பிறந்தநாளான இன்று வெளியாகவிருந்த நிலையில், இப்படத்தின் வெளியீடு தள்ளி  வைக்கப்பட்டது. தனுஷ் ஒரு முறை ட்விட்டரில் விஐபி 2 படம் வெளியாகும் நாள்தான் தனக்கு பிறந்தநாள் என்று  குறிப்பிட்டிருந்தார் என்பது குறிப்பிடத்தக்கது.