போதைப்பொருள் விவகாரம்; ஷ்ரதா கபூருக்கு நோட்டீஸ்! – பரபரக்கும் பாலிவுட்!

சுஷாந்த சிங் தற்கொலை விவகாரத்தில் போதைப்பொருள் குறித்து மேற்கொள்ளப்பட்ட விசாரணையில் பிரபல பாலிவுட் நட்சத்திரங்கள் சிக்கி வருவது பரபரப்பை ஏற்படுத்தியுள்ளது.

நடிகர் சுஷாந்த் சிங் தற்கொலை செய்து கொண்ட விவகாரத்தில் அவரது காதலி ரியா கைது செய்யப்பட்டுள்ளார். ரியா சுஷாந்திற்கு போதை பொருட்கள் வழங்கியதாக தொடரப்பட்ட விசாரணையில் மேலும் பல பாலிவுட் நடிகர்கள், நடிகைகள் மற்றும் இயக்குனர்களுக்கு தொடர்பு இருப்பதாக விசாரணையில் தெரியவந்துள்ளது.

இதுகுறித்து பல முன்னணி நடிகர், நடிகைகள் பெயர் அடிப்படும் இந்த போதைப்பொருள் விவகாரத்தில் நடிகை ஷ்ரதா கபூருக்கு சிபிஐ சம்மன் அனுப்பியுள்ளது. சுஷாந்த் சிங்குடன் “சிச்சோரே” என்ற படத்தில் நடித்தவர் ஷ்ரதா கபூர். சுஷாந்தின் விருந்தினர் இல்லத்தில் போதை பார்ட்டிகள் நடைபெற்றதாகவும், அதில் ஷ்ரதா கபூரும் கலந்து கொண்டதாகவும் கூறப்படுகிறது. இந்த சம்மன் விவகாரம் பாலிவுட்டில் பரபரப்பை ஏற்படுத்தியுள்ளது.