’ஜோக்கர்’ என்ற படத்தில் நடித்திருந்தாலும் யாருக்குமே தெரியாதவராக இருந்த ரம்யா பாண்டியன் ஒரே ஒரு போட்டோ ஷூட்டில் உலகப் புகழ் பெற்றார் என்பது தெரிந்ததே. தற்போது அவர் மிகவும் புத்திசாலித்தனமாக பிக் பாஸ் வீட்டில் விளையாடிக் கொண்டிருக்கிறார். குறிப்பாக ’எவிக்சன் பாஸ்’ சுரேஷூக்கு கிடைக்காமல் செய்தது அவரது புத்திசாலித்தனத்தை வெளிப்படுத்தியது
இந்த நிலையில் ரம்யா ஏற்கனவே ஒரு வெப்தொடரில் நடித்து முடித்துள்ளார் என்ற செய்தி வெளியான நிலையில் இந்த தொடர் வரும் அக்டோபர் 30-ஆம் தேதி வெளியாக உள்ளதாக அறிவிக்கப்பட்டுள்ளது. இந்த தொடருக்கு ‘முகிலன்’ என்ற டைட்டில் வைக்கப்பட்டுள்ளது என்பதும் இதுவொரு ஆக்சன் கேங்ஸ்டர் தொடர் என்பதும் குறிப்பிடத்தக்கது.
செம்பருத்தி தொடரில் ஹீரோவாக நடித்துக் கொண்டிருக்கும் கார்த்திக் தான் இந்த தொடரின் ஹீரோ என்பதும் அவருக்கு ஜோடியாக ரம்யா பாண்டியன் நடித்துள்ளார் என்பதும் குறிப்பிடத்தக்கது. ஸ்ரீ ராம் ராம் என்பவர் இயக்கியுள்ள இந்த தொடர் அக்டோபர் 30ஆம்தேதி முதல் ஜீ5 பிரைம் ஓடிடியில் வெளியாக உள்ளது என்பது குறிப்பிடத்தக்கது