தமிழ் சினிமாவின் திரைக்கதை மன்னன் என அனைவராலும் பாராட்டப்பட்டவர் இயக்குனர் பாக்யராஜ்.
1980 களில் வெற்றி விழா படங்களாக தொடர்ந்து கொடுத்து திரைக்கதை மன்னன் என பெயர் பெற்றவர் பாக்யராஜ். இந்தி வரை தனது வெற்றி முத்திரையை பதித்தவர். இந்தியில் அவர் இயக்கிய ஆக்ரி ரக்ஷா திரைப்படம் மிகப்பெரிய வெற்றியைப் பெற்றது. ஆனால் 1990 களுக்கு பிறகு அவர் படங்களின் வெற்றி குறைய ஆரம்பித்தது. இந்நிலையில் அவர் படங்கள் இயக்குவதையும் மெல்ல மெல்ல குறைத்துக்கொண்டார்.
கடைசியாக அவர் சொக்கத்தங்கம் மற்றும் பாரிஜாதம் ஆகிய படங்களை இயக்கினார். இந்நிலையில் சமீபத்தில் அவர் அளித்த நேர்காணல் ஒன்றில் ’விஜய் மற்றும் அஜித் ஆகிய இருவருக்கும் அதிகமாக பேமிலி ஆடியன்ஸ் இருப்பதால் அவர்களை வைத்து குடும்பக் கதை பண்ணவேண்டும் என்று ஒரு ஆசை இருந்தது’ எனக் கூறியுள்ளார்.