பீஸ்ட் ரிலிஸ் எப்போது? சன் பிக்சர்ஸ் எடுத்த முடிவு!

நடிகர் விஜய் நடித்துள்ள பீஸ்ட் படத்தின் ரிலீஸ் குறித்த தகவல்கள் வெளியாகியுள்ளன.

நடிகர் விஜய் நடிப்பில் இயக்குநர் நெல்சன் திலீப்குமார் இயக்கத்தில் உருவாகிவரும் படம் பீஸ்ட். இப்படத்தில் விஜய்க்கு ஜோடியாக பூஜா கெஹ்டே நடித்து வருகிறார். இந்நிலையில், இப்படத்தை பிரமாண்டமான முறையில் சன் பிக்சர்ஸ் தயாரித்து வருகிறார். இந்த படத்தின் படப்பிடிப்பு தற்போது சென்னையில் தொடங்கி நடைபெற்று வருகிறது. இந்நிலையில் படத்தைப் பற்றிய தகவல்கள் தினமும் வெளியாகிக் கொண்டு உள்ளன. அதை முன்னிட்டு இப்போது படத்தில் மூன்று வில்லன்களாக செல்வராகவன், ஷைன் டாம் சாக்கோ மற்றும் டான்ஸிங் ரோஸ் புகழ் ஷபீர் ஆகியோர் நடிக்க உள்ளதாக சொல்லப்படுகிறது.

பீஸ்ட் படத்தின் படப்பிடிப்புகள் விறுவிறுப்பாக நடந்து வருகின்றன. இந்நிலையில் சன் பிக்சர்ஸ் நிறுவனம் பல படங்களைத் தயாரித்து வருவதால் பீஸ்ட் எப்போது ரிலிஸாகும் என்ற கேள்வி எழுந்தது. அதையடுத்து 2022 பொங்கல் பண்டிகைக்கு வெளியாக அதிக வாய்ப்பு உள்ளதாக சொல்லப்படுகிறது.