கும்பமேளாவில் நடக்கவுள்ள பாலையாவின் ‘அகாண்டா 2’ படப்பிடிப்பு!

தெலுங்கு நடிகர் என் டி ஆரின் மகனான பாலகிருஷ்ணா 60 வயதுக்கு மேலும் கதாநாயகனாக நடித்து வருகிறார். பெரும்பாலான அவரின் படங்கள் தோல்வி அடைந்து கேலி செய்யப்படாலும், அவர் நடிப்பதை விட்ட பாடில்லை. இந்நிலையில் இப்போது அவர் சிவபக்தராக அஹோரியாக நடித்துள்ள அகாண்டா படம் டிசம்பர் 2 ஆம் தேதி வெளியானது.

விமர்சன ரீதியாக இந்த படம் மோசமான விமர்சனங்களை பெற்றாலும், வசூலில் சோடை போகவில்லையாம். கிட்டத்தட்ட 100 கோடிக்கும் மேல் வசூல் செய்துள்ளது. இந்நிலையில் இந்த படத்தின் வெற்றியை அடுத்து இதே கூட்டணியில் அகாண்டா பார்ட் 2 உருவாக உள்ளதாக 2022 ஆம் ஆண்டே அறிவிப்பு வெளியானது.

இதையடுத்து சமீபத்தில் இந்த படத்தின் பூஜை நடந்தது. அதையடுத்து படத்தின் ஷூட்டிங் தொடங்கவுள்ள நிலையில் முதல் கட்டப் படப்பிடிப்பு விரைவில் நடக்கவுள்ள கும்பமேளாவில் நடக்கவுள்ளதாக சொல்லப்படுகிறது. அதன் பின்னர் ஐதராபாத்தில்  முக்கிய ஸ்டண்ட் காட்சிகள் படமாக்கப்படவுள்ளன. படம் செப்டம்பர் மாதம் ரிலீஸாகவுள்ளது.