இந்திய அளவில் இதுவரை வசூல்சாதனை செய்த படங்களாக இந்திப் படங்களே இருந்து வந்தன.
பாகுபலி அனைத்து இந்திப் படங்களின் வசூலையும் முறியடித்து முதலிடத்தில் உள்ளது.
இந்திய அளவில் முதல்நாள் வசூலில் ஷாருக்கானின் ஹேப்பி நியூ இயர் படமே இருந்தது. இப்படம் வெளியான முதல் நாளில் 44.97 கோடிகளை வசூலித்தது.
அந்த வசூலை பாகுபலி முறியடித்தது. முதல் நாளில் இப்படம் 50 கோடிகளைத் தாண்டி வசூலித்தது. சல்மான் கானின் பஜ்ரங்கி பைஜான் படம் பாகுபலியின் சாதனையை முறியடிக்கும் என இந்தி மற்றும் ஆங்கில் ஊடகங்கள் எதிர்பார்த்தன.
ஆனால், இந்திப் படங்களிலேயே பஜ்ரங்கி பைஜானுக்கு 7 ஆவது இடமே கிடைத்துள்ளது. நேற்று முன்தினம் வெளியான இப்படம் முதல் நாளில் இந்தியாவில் 27.25 கோடிகளை மட்டுமே வசூலித்துள்ளது.
வெளிநாடுகளில் இப்படம் முதல் நாளில் ஒன்பது கோடி அளவுக்கே வசூலித்துள்ளது. இது பாகுபலியின் முதல்நாள் யுஎஸ் வசூலைவிட குறைவு என்பது குறிப்பிடத்தக்கது.
அதேநேரம் இரண்டாவது நாளில் பஜ்ரங்கி பைஜானின் வசூல் பத்து கோடி அளவுக்கு அதிகரித்துள்ளது. முதல் நாள் 27.25 கோடிகள் வசூலித்த படம், இரண்டாவது நாளான நேற்று சனிக்கிழமை 36.50 கோடிகளை தனதாக்கியுள்ளது.
