பிரபல தயாரிப்பு நிறுவனத்துக்காக மீண்டும் இணையும் ‘மகாமுனி’ கூட்டணி!

இயக்குனர் சாந்தகுமார் இயக்கத்தில் இரண்டு ஆண்டுகளுக்கு முன்னர் ரிலீஸானது ஆர்யா நடித்த மகாமுனி.

மௌனகுரு படத்துக்கு பிறகு சாந்தகுமார் 8 ஆண்டுகள் கழித்து இயக்கியப் படம் என்பதால் மகாமுனி மீது மிகப்பெரிய எதிர்பார்ப்பு இருந்தது. ஆனால் படம் ரிலிஸான போது அதன் திரைக்கதை தொய்வு காரணமாக மிகப்பெரிய வெற்றி பெறவில்லை. ஆனால் ரிலிஸுக்கு பின்னர் படக்குழு பல விருது விழாக்களுக்கு அனுப்பி வருகின்றனர். படத்தில் நடித்த ஆர்யாவுக்கு சில திரைப்பட விழாக்களில் விருதுகளும் கிடைத்தன.

இந்நிலையில் இப்போது மீண்டும் ஆர்யா- சாந்தகுமார் கூட்டணியில் அடுத்த படம் உருவாக உள்ளதாக தகவல்கள் வெளியாகியுள்ளன. இந்த படத்தை பிரபல தயாரிப்பு நிறுவனமான டிரீம் வாரியர்ஸ் பிக்சர்ஸ் நிறுவனம் தயாரிக்க உள்ளதாகவும் சொல்லப்படுகிறது.