நடிகர் அருள்நிதி திருமண நிச்சயதார்த்தம் - கருணாநிதி தலைமையில் நடந்தது

கருணாநிதியின் பேரனும், நடிகருமான அருள்நிதியின் திருமண நிச்சயதார்த்தம் இன்று சென்னையில் நடந்தது.

வம்சம் படத்தின் மூலம் நடிகரானவர் அருள்நிதி. அவர் நடிப்பில் வெளிவந்த மௌனகுரு அவருக்கு முதல் வெற்றியாக அமைந்தது. தற்போது டிமாண்டி காலனி, நாலு போலீசும் நல்லா இருந்த ஊரும் படங்களில் நடித்து வருகிறார்.

அவருக்கும் சென்னை உயர்நீதிமன்ற முன்னாள் நீதிபதியின் மகள் கீர்த்தனாவுக்கும் இன்று சென்னை ரெசிடென்சி நட்சத்திர விடுதியில் திருமண நிச்சயதார்த்தம் நடந்தது. கருணாநிதியின் தலைமையில் நடந்த இந்த திருமண நிச்சயதார்த்தத்தில் இரு குடும்பங்களையும் சேர்ந்த நெருங்கிய உறவினர்கள் மற்றும் நண்பர்கள் கலந்து கொண்டனர்.