தளபதி 68 படத்தின் அடுத்தகட்ட ஷூட்டிங் இந்த நாட்டில்தான்… தயாரிப்பாளர் வெளியிட்ட புகைப்படம்!

லியோ படத்தை அடுத்து விஜய், வெங்கட் பிரபு இயக்கத்தில் ’தளபதி 68’ படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார்.

தளபதி 68 படத்தின் ஷூட்டிங் சென்னை மற்றும் தாய்லாந்து ஆகிய இடங்களில் நடந்தது. இந்த படம் ஹாலிவுட்டில் 2012 ஆம் ஆண்டு வெளியான லூப்பர் என்ற படத்தின் அதிகாரப்பூர்வ ரீமேக் என சொல்லப்படுகிறது. ஆனால் இதுபற்றி அதிகாரப்பூர்வ தகவல் எதுவும் வெளியாகவில்லை.

இந்நிலையில் இந்த படத்தின் அடுத்தகட்ட ஷூட்டிங் இஸ்தான்பூல் நாட்டில் நடக்க உள்ளதாக சொல்லப்படுகிறது. படத்தின் தயாரிப்பாளரான அர்ச்சனா கல்பாத்தி தன்னுடைய சமூகவலைதளப் பக்கத்தில் இஸ்தான்புல்லில் எடுத்த புகைப்படத்தை பகிர, விஜய் ரசிகர்கள் குஷியாகியுள்ளனர்.