இனி சினிமாவில் பிரேக் இருக்காது… பிரசாந்த் நம்பிக்கை!

பிரசாந்த் நடிப்பில் அவரின் தந்தை தியாகராஜன் இயக்கியுள்ள அந்தகன் திரைப்படம் இன்று அதிக திரையரங்குகளில் ரிலீஸாகியுள்ளது. அந்தகன் படத்தில் பிரசாந்துடன், பிரியா ஆனந்த், சிம்ரன், சமுத்திரக்கனி, வனிதா விஜயகுமார் மற்றும் கார்த்திக் ஆகியோர் முக்கிய வேடத்தில் நடித்துள்ளனர். சந்தோஷ் நாராயணன் இசையமைத்துள்ளார். படத்தின் பாடல்கள் மற்றும் டிரைலர் வெளியாகி நல்ல வரவேற்பைப் பெற்றுள்ளன.

இந்த படம் அந்தாதூன் என்ற இந்தி படத்தின் ரீமேக். நீண்ட நாட்களாக மார்க்கெட்டில் இல்லாத பிரசாந்த், இந்த படம் தனக்கு மிகப்பெரிய திருப்புமுனையாக அமையும் எதிர்பார்த்திருந்த நம்பிக்கை வீண்போகவில்லை. அந்தகன் திரைப்படம் நேற்று வெளியாகி நல்ல வரவேற்பைப் பெற்று வருகிறது.

இந்நிலையில் சினிமாவில் சில ஆண்டுகள் பிரேக் எடுத்துக் கொண்டது பற்றி பேசியுள்ள பிரசாந்த் “இனி வெள்ளித்திரையில் பிரேக் இருக்காது. அடுத்தடுத்து படங்களுக்காகக் கதை கேட்டுக் கொண்டிருக்கிறோம். இந்தியில் அமிதாப் பச்சனுடன் இணைந்து நடிக்க ஒரு படத்துக்கான பேச்சுவார்த்தை நடக்கிறது” எனக் கூறியுள்ளார்.