ஷங்கர் ஒரு படத்தை முடித்ததும் அடுத்து அவர் யாரை இயக்குகிறார் என்ற கேள்வியும், அந்த ஒரு கேள்விக்கு ஒரு டஜன் பதில்களும் மீடியாவில் விவாதிக்கப்படும். எந்திரன் படத்துக்குப் பிறகு இந்தி மீடியாக்களும் இந்த கேள்விப் பதிலில் பங்களிப்பு செலுத்துகின்றன.
ஐ படம் முடிவடைந்த நிலையில், ஷங்கர் தனது அடுத்தப் படத்தை அமிதாப்பச்சன், ஹிர்த்திக் ரோஷனை வைத்து எடுக்கயிருப்பதாக முன்னணி இந்தி பத்திரிகை ஒன்று செய்தி வெளியிட்டுள்ளது. கிரிஷ் 3 -இன் திரைக்கதையை எழுதிய ஹனிசிங்குடன் ஷங்கர் கைகோர்த்திருப்பதாகவும் தகவல். இது ஹனிசிங்கின் காதுகளை எட்டி, அவர் இந்த செய்தியை மறுத்திருக்கிறார்.
எனினும், ஷங்கர் இயக்கத்தில் அமிதாப், ஹிர்த்திக் என்ற தகவலை இன்னும் இந்தி மீடியாக்கள் பிடித்துத் தொங்குகின்றன.