மீண்டும் தமிழில் பிஸியாகும் அஜ்மல்

தமிழில் அவ்வப்போது தலைகாட்டி வந்த அஜ்மலை கொஞ்ச நாள்களாக காணவில்லை. விசாரித்தால், சமீபத்தில்தான் ஒரு தமிழ் த்ரில்லரில் நடித்துள்ளார்.

இன்னும் பெயர் வைக்கப்படாத அந்த த்ரில்லரை சந்தோஷ் மேனன் என்பவர் இயக்கியுள்ளார். அஜ்மல் நாயகன். 

நான்கு நாயகிகள். அஞ்சாதேயும், கோ வும் கலந்த கலவையான இந்தப் படத்தின் படப்பிடிப்பை கொடைக்கானல், புதுச்சேரி, கோவை, மற்றும் கேரளாவில் நடத்தினோம். போஸ்ட் புரொடக்ஷன் வேலைகள் போய்க்கொண்டிருக்கின்றன என்றார் அஜ்மல்.

இது தவிர வேறு மூன்று தமிழ்ப் படங்களில் நடிக்க பேச்சுவார்த்தை நடத்தி வருகிறாராம். இந்த வருட இறுதிக்குள் தமிழில் பிஸியாகிவிடுவேன் என்றார்.

வாங்க... வந்து அசத்துங்க...

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்