அஜித் படத்தில் நடித்துள்ளாரா அருவி நாயகி?

அருவி படத்தின் மூலம் பிரபலமான நாயகியான அதிதி பாலன் என்னை அறிந்தால் திரைப்படத்தில் ஒரு சிறிய கதாபாத்திரத்தில் நடித்துள்ளாராம்.

அருன் பிரபு புருஷோத்தமன் இயக்கத்தில் உருவான அருவிப் படம் 2017 ஆம் ஆண்டு இறுதியில் வெளியாகி மக்களிடையே ஏகோபித்த ஆதரவைப் பெற்றது. அதில் அருவிக் கதாபாத்திரத்தில் நடித்த அதிதி பாலன் ஒரேப் படத்தில் உச்சப் புகழை அடைந்தார். அதன் பின் பலப் படங்களில் இருந்து நடிக்க அழைப்பு வந்தும் வலுவானக் கதாபாத்திரம் அமையாததால் நடிக்க மறுத்து வந்தார். இதையடுத்து அவர் இப்போது இயக்குனர் நலன் குமாரசாமி இயக்கியுள்ள ஹலொ ஹலோ என்ற ஆந்தாலஜி படத்தில் நடித்துள்ளார்.

இந்நிலையில் இவர் 2015 ஆம் ஆண்டே வெளியான அஜித்தின் என்னை அறிந்தால் படத்தில் நடித்துள்ளாராம். அதில் திரிஷ நடன ஆசிரியைக் கதாபாத்திரத்தில் நடிக்க அதிதி பாலன் அவரின் தோழிகளில் ஒருவராக நடித்துள்ளாராம். அந்த புகைப்படம் இப்போது இணையத்தில் கவனம் ஈர்த்துள்ளது.