காஞ்சனா நான்காம் பாகத்தில் லாரன்ஸுடன் இணைந்த பேன் இந்தியா நடிகை!

தனது திரை பயணத்தை துவங்கி டான்ஸ் மாஸ்டராக, நடிகராக,  சிறந்த இயக்குனராக வலம் வருகிறார். இவரது நடிப்பிலும் இயக்கத்திலும் விசித்திரமான பல வெற்றி படங்களை தமிழில் கொடுத்துள்ளார். அப்படங்களில் ஒன்று தான் அவரது இயக்கத்திலும் நடிப்பிலும் மாபெரும் வெற்றி பெற்ற “முனி”. இப்படத்தை தொடர்ந்து  இரண்டாம் பாகம் “காஞ்சனா” என்ற பெயரிலும்  பிறகு “காஞ்சனா-2 “ என வெளியான அனைத்து பாகங்களிலும்  லாரன்ஸ்  வெறித்தனமாக நடித்து உள்ளார்.

இதையடுத்து அவர் காஞ்சனா 4 படத்தை பிரம்மாண்டமாக 3டி தொழில்நுட்பத்தில் 100 கோடி ரூபாய் பட்ஜெட்டில் உருவாக்க திட்டமிட்டிருந்தார். ஆனால் சில ஆண்டுகளாக இந்த படம் தொடங்கப்படாமல் கிடப்பில் கிடந்தது. இடையில் பிற இயக்குனர்களின் படங்களில் நடிப்பதில் கவனம் செலுத்தி வருகிறார் லாரன்ஸ். சமீபத்தில் பொள்ளாச்சியில் இந்த படத்தின் ஷுட்டிங் தொடங்கி நடைபெற்றது. முதலில் இந்த படத்தை சன் பிக்சர்ஸ் நிறுவனம் தயாரிக்க இருந்தது. ஆனால் அவர்களுக்கும் ராகவா லாரன்ஸுக்கும் இடையே பட்ஜெட் சம்மந்தமாக எழுந்த கருத்து வேறுபாடு காரணமாக தற்போது கோல்ட் மைன்ஸ் பிலிம்ஸ் மனிஷ் இந்த படத்தைத் தயாரிக்கிறார்.

இந்நிலையில் இந்த படத்தில் கதாநாயகியாக பூஜா ஹெக்டே நடிக்க ஒப்பந்தமாகியுள்ளார். விரைவில் ஷூட்டிங்கில் இணையவுள்ளார் என்று சொல்லப்படுகிறது. பூஜா இல்லாமல் இன்னொரு கதாநாயகியும் இந்த படத்தில் இணையவுள்ளதாக சொல்லப்படுகிறது. அடுத்த கட்ட ஷூட்டிங் ஐதராபாத்தில் விரைவில் தொடங்கவுள்ளதாக சொல்லப்படுகிறது.