’அருண்விஜய் 33’ படத்தில் இணைந்த ‘அசுரன்’ நடிகை!

அருண் விஜய் நடிப்பில் ஹரி இயக்கத்தில் உருவாக இருக்கும் ’அருண்விஜய் 33’ என்ற திரைப்படத்தில் நடிக்கும் நடிகர் நடிகைகள் குறித்த அறிவிப்புகள் கடந்த சில நாட்களாக வெளியாகி வருகின்றன 

அந்த வகையில் தற்போது அடுத்ததாக இந்த படத்தில் அம்மு அபிராமி இணைந்துள்ளார் என்று அறிவிக்கப்பட்டுள்ளது. தளபதி விஜய் நடித்த பைரவா என்ற திரைப்படத்தில் கல்லூரி மாணவியாக அறிமுகமான அம்மு அபிராமி கடந்த 2019ஆம் ஆண்டு வெளிவந்த தனுஷ் மற்றும் வெற்றிமாறனின் அசுரன் திரை படத்தில் முக்கிய கேரக்டரில் நடித்து இருந்தார் என்பதும் அவரது கேரக்டருக்கு மிகப்பெரிய வரவேற்பு கிடைத்தது என்பதும் குறிப்பிடத்தக்கது

தற்போது நவரசா என்ற வெப்தொடரில் நடித்துக் கொண்டிருக்கும் அம்மு அபிராமிக்கு கிடைத்த அடுத்த வாய்ப்புதான் அருண் விஜய்யின் 33வது திரைப்படம் என்பது குறிப்பிடத்தக்கது. பிரியா பவானி சங்கர், யோகி பாபு, பிரகாஷ்ராஜ், ராதிகா, ஜெயபாலன், தலைவாசல் விஜய் உள்பட பலர் இந்த படத்தில் நடிக்கின்றனர் என்பது தெரிந்ததே