நடிகர் பிரசன்னா, இதுவரை 25 படங்களில் நடித்துள்ளார்.

சுசி.கணேசன் இயக்கிய ‘ஃபைவ் ஸ்டார்’ படத்தின் மூலம் ஹீரோவாக அறிமுகமானவர் பிரசன்னா. ‘அஞ்சாதே’, ‘பாணா காத்தாடி’, ‘சென்னையில் ஒருநாள்’, ‘கல்யாண சமையல் சாதம்’, ‘பவர் பாண்டி’ உள்ளிட்ட பல படங்களில் நடித்துள்ள பிரசன்னா, வருகிற 30ஆம் தேதி ரிலீஸாக இருக்கும் ‘திருட்டுப்பயலே 2’ படத்திலும் நடித்துள்ளார்.

இந்தப் படம், அவருடைய 25வது படம். முதல் படத்தை இயக்கிய சுசி.கணேசன், அவருடைய 25வது படத்தையும் இயக்கியுள்ளார் என்பது குறிப்பிடத்தக்கது. இந்த 25 படங்களில், இரண்டு படங்கள் மட்டுமே வேற்று மொழியில் நடித்துள்ளார். மற்ற அனைத்து படங்களுமே தமிழ்ப் படங்கள்தான்.