கலாய்த்த சதீஷ் : டிவிட்டரில் பல்பு வாங்கிய ஆர்.ஜே.பாலாஜி

காமெடி நடிகர் சதீஷை வம்பிக்கிழுத்து, அவரிடம் இருந்து வாங்கி கட்டிக்கொண்டுள்ளார் நடிகர் ஆர்.ஜே.பாலாஜி.

நடிகர் ஆர்.ஜே. பாலாஜி நேற்று டிவிட்டர் பக்கத்தில் தனது ரசிகர்களுடன் உரையாடினார். அப்போது, உங்களுக்கு பிடித்த காமெடி நடிகர் யார்? என ஒரு ரசிகர் கேட்க, நடிகர் சதீஷ்.. நம்புங்கள் என பதிலளித்திருந்தார். 

இதில், அவர் தன்னை வேண்டுமென்றே கலாய்த்திருக்கிறார் என்பதை உணர்ந்த சதீஷ், அதற்கு பதிலடி கொடுக்கும் வகையில் “ ஜல்லிக்கட்டு பிரச்சனை வந்தபோது, கடைசி நாள் நீங்க போட்ட வீடியோ காமெடிய விடவா?” என பதிவிட்டார்.

இதைக் கண்ட ரசிகர்கள், ஆர்.ஜே. பாலாஜி பல்பு வாங்கி விட்டார் என ஏகத்துக்கும் மீம்ஸ் போட்டு அவரை கலாய்த்து வருகின்றனர். 

அதற்கும் பதிலடி கொடுத்த ஆர்.ஜே. பாலாஜி “ இதுல பாதியாவது படத்துல பண்ணீங்கனா நல்லா இருக்கும்” என பதிவிட்டுள்ளார். ஆனால், ஏன் இப்டி சமாளிக்கிறீங்க என அதற்கும் அவரை வச்சு செய்து வருகிறார்கள் நெட்டிசன்கள்.