ஆண்டவன் கட்டளை படத்தின் தயாரிப்பாளர் அன்புச்செழியன் விஜய் சேதுபதியின் நடிப்பை பார்த்து வியந்து உடனடியாக அவருக்கு தங்க செயினை பரிசாக வழங்கியுள்ளார்.
விஜய் சேதுபதி நடிப்பில் ‘ஆண்டவன் கட்டளை’ படம் இன்று வெளிவந்துள்ளது. காக்கா முட்டை படத்தின் இயக்குனர் எம்.மணிகண்டன் இயக்கியுள்ளார். ‘இறுதிச்சுற்று’ படத்தின் நாயகி ரித்திகா சிங் கதாநாயகியாக நடித்துள்ளார்.
படம் வெளியாகும் முன்னரே படத்தின் டிரைலரே அனைவரையும் கவர்ந்துவிட்டது. இந்நிலையில், இப்படம் வெளிவருவதற்கு முன்பே தயாரிப்பாளர் மற்றும் படக்குழுவினர் இப்படத்தை ஒருமுறை முழுவதும் பார்த்துள்ளனர்.
அதில் விஜய் சேதுபதியின் நடிப்பை பார்த்து வியந்த தயாரிப்பாளர் அன்புசெழியன் விஜய் சேதுபதிக்கு உடனடியாக தங்க செயின் ஒன்றை பரிசாக அளித்துள்ளார். அதோடு, இப்படத்தை இயக்கிய மணிகண்டனுக்கும் தங்க செயின் ஒன்றை பரிசாக அளித்துள்ளார்.