கர்ணன் வெளியான திரையரங்கில் பெட்ரோல் குண்டுவீச்சு… மர்ம நபர்கள் வெறிச்செயல்!

தூத்துக்குடியில் உள்ள திரையரங்கு ஒன்றில் 5 மர்மநபர்கள் பெட்ரோல் வெடிகுண்டு வீசியுள்ளனர்.

தனுஷ் நடிப்பில் மாரி செல்வராஜ் இயக்கியுள்ள கர்ணன் திரைப்படம் வெளியாகி மிகப்பெரிய வெற்றியைப் பெற்றுள்ளது. இந்நிலையில் தூத்துக்குடியில் ஒரு திரையரங்கில் 5 மர்ம நபர்கள் மதுபாட்டில்களில் பெட்ரோல் நிரப்பி விசியுள்ளனர். அதிர்ஷ்டவசமாக இந்த தாக்குதலில் பெரிய அளவில் சேதம் எதுவும் ஏற்படவில்லை. முன்னதாக 5 பேர் குடிபோதையில் இருந்ததால் அவர்களை திரையரங்குக்குள் அனுமதிக்க மாட்டோம் என திரையரங்க நிர்வாகம் வெளியே அனுப்பியுள்ளது. இது சம்மந்தமாக மூன்று பேரை காவல்துறையினர் பிடித்து விசாரித்து வருகின்றனர்.