இன்று வெளியாவதாக இருந்த உத்தம வில்லன் திட்டமிட்டபடி இன்று வெளியாகவில்லை. பணப் பிரச்சனை காரணமாக படத்தை வெளியிட முடியவில்லை.
தயாரிப்பாளர்கள் தரப்பில் கேட்ட போது அதிகாலை ரசிகர்களுக்கான காட்சி மட்டுமே ரத்து செய்யப்பட்டதாகவும், பேச்சுவார்த்தை நடத்தி விரைவில் சுமூக தீர்வு எட்டப்படும் என கூறப்பட்டது.
ஆனால், இன்று முதல் மூன்று காட்சிகள் ரத்து செய்யப்பட்டுள்ளதாக சில திரையரங்குகள் அறிவித்துள்ளன. மாலை ஆறு மணி காட்சி நடைபெறுமா என்பதே இன்னும் சந்தேகமாகதான் உள்ளது.
இன்று 400 திரையரங்குகளில் வெளியாகவிருந்தது. மேலும், ஐந்து காட்சிகள் திரையிட திரையரங்குகள் முடிவு செய்திருந்ததும் குறிப்பிடத்தக்கது.
