20 வருடங்களுக்குப் பிறகு...

FILE

இருபத்தி ஐந்து ஆண்டுகளுக்கு முன், எல்லா கதாநாயகர்களுடனும் ஜோடி சேர்ந்து நடிக்கும், விரல் விட்டு எண்ணக் கூடிய முன்னணிக் கதாநாயகிகள் பட்டியலில் இருந்தவர் ஸ்ரீப்ரியா. நடிப்பதோடு, ‘சாந்தி முகூர்த்தம்’, ‘நானே வருவேன்’ போன்ற படங்களையும் இயக்கினார்.

தற்போது இருபது ஆண்டுகளுக்கு பின் மீண்டும் ஒரு படத்தை இயக்கவுள்ளார். நேரடி தமிழ் படமாக இல்லாமல், பகத் பாசில், ரீமா கல்லிங்கல் நடித்த படமான 22 பீமேல் கோட்டயம் என்ற பெயரில் மலையாளத்தில் எடுக்கப்பட்ட படத்தைத்தான் தமிழில் ரீமேக் செய்கிறார் ஸ்ரீப்ரியா.

தமிழில் நித்யா மேனன் நடிக்கிறார். மலையாளப் படத்தில் உள்ள கதையை அப்படியே எடுக்காமல், தமிழ் ரசிகர்களின் ரசணைக் கேற்றபடி சில மாற்றங்களை செய்துள்ளேன். 20 ஆண்டுகளுக்குப் பின் படம் இயக்குவது குறித்து மகிழ்ச்சியாக இருக்கிறது என்றார் முன்னா‌ள் நாயகி.