இரண்டு வருடங்களாக அண்டர் புரொடக்ஷனில் இருந்த கிருஷ்ணாவின் ரொமான்டிக் காமெடி வானவராயன் வல்லவராயன் ஒருவழியாக ஆகஸ்டில் வெளியாகிறது. டாக்டர் சிவபாலனின் ஸீரோ ரூல்ஸ் என்டர்டெய்ன்மெண்ட் படத்தை வாங்கியுள்ளது.
இந்தப் படத்தில் கிருஷ்ணா தம்பியாகவும், மா.கா.பா.ஆனந்த் அண்ணனாகவும் நடித்துள்ளனர். பாசம் வந்தாலும் கோபம் வந்தாலும் அடித்துக் கொள்ளும் சகோதரர்கள்.
இந்தப் படத்தை கிருஷ்ணாவின் தந்தை பட்டியல் சேகர் தனது நண்பருடன் இணைந்து தயாரித்தார். ராஜு மோகன் இயக்கம். படம் முடிந்தும் வியாபாரமாகாமல் இருந்தது. இந்நிலையில் படத்தைப் பார்த்த டாக்டர் சிவபாலன் படத்தின் தமிழக திரையரங்கு விநியோக உரிமையை வாங்கியுள்ளார். படம் ஆகஸ்டில் திரைக்கு வரும் என தெரிகிறது.
30 முறை காதலில் தோல்வியடைந்த தம்பி கிருஷ்ணாவுக்கு மோனல் கஜ்ஜாரை அண்ணன் ஆனந்த் எப்படி செட் செய்து தருகிறார் என்பதுதான் படத்தின் மையக் கதை. காமெடி... காமெடியை தவிர வேறில்லை என்பதுதான் இந்தப் படத்தின் அடிநாதம் என்கிறார் ராஜு மோகன்.
