கே.எஸ்.ரவிக்குமார் இயக்கத்தில் ரஜினி நடிக்கும் புதுப்படம் மே 2ஆம் தேதி மைசூரில் தொடங்குகிறது.
கோச்சடையான் படத்துக்குப் பிறகு ரஜினி படங்களில் நடிப்பாரா மாட்டாரா என்ற கேள்வி எழுந்த நிலையில் புதுப்பட அறிவிப்பை வெளியிட்டு அவரது ரசிகர்களை திக்குமுக்காட வைத்தார். கே.எஸ்.ரவிக்குமார் இயக்கும் இந்தப் படம் கோச்சடையான் போன்று அனிமேஷன் கிடையாது. ரசிகர்கள் விரும்பும் நிஜமான ரஜியை நீங்கள் இதில் பார்க்கலாம் என ரஜினியுடன் நடிக்கயிருக்கும் சோனாக்சி சின்கா கூறியிருந்தது குறிப்பிடத்தக்கது. சோனாக்சியுடன் அனுஷ்காவும் நடிக்கயிருப்பதாக தகவல்கள் தெரிவிக்கின்றன.
ராக்லைன் வெங்கடேஷ் தயாரிக்கும் இந்தப் படத்துக்கு ரஹ்மான் இசை.
படத்துக்கு இன்னும் பெயர் வைக்கவில்லை. லிங்கா உள்பட பல பெயர்கள் பரிசீலனையில் உள்ளன. லிங்கா என்பது சிவனை குறிக்கும் பெயர். ஐஸ்வர்யா தனுஷின் இளைய மகனின் பெயரும் லிங்காதான்.
மே 2 படத்தின் பெயரை அறிவிப்பார்கள் என எதிர்பார்க்கப்படுகிறது.
