இறுதியில் ரசிகர்களின் குரலுக்கு செவிசாய்த்துள்ளார் ரஜினி.
விஜயகாந்த் மற்றும் சிரஞ்சீவியின் அரசியல் பிரவேசத்தை தொடர்ந்து ரஜினி அரசியல் கட்சி தொடங்க வேண்டும் என்ற குரல் வலுப்பெற்று வருகிறது.
ரஜினிக்காக காத்திருக்காமல் அவரது ரசிகர்கள் சிலர் ரஜினி பெயரில் கட்சி தொடங்கினர். அவர்களை தனது மன்றத்திலிருந்து நீக்கிய ரஜினி, ரசிகர்களின் கருத்துக்களை கேட்டறிய வரும் 3- ம் தேதி சென்னை ராகவேந்திரா திருமண மண்டபத்தில் ரசிகர்களை சந்தித்து பேசுகிறார்.
ஒவ்வொரு மாவட்டத்திலிருந்தும் சுமார் பத்து மாவட்ட நிர்வாகிகள் ரஜினியை சந்திக்க அழைப்பு அனுப்பப்பட்டுள்ளது.
நீண்ட காலத்திற்குப் பிறகு ரஜினி ரசிகர்களை சந்திப்பதால் அரசியல் கட்சி குறித்து திட்டவட்டமான பதில் கிடைக்கும் என ரஜினி ரசிகர்கள் நம்புகிறார்கள்.
