சுசீந்திரனை, எங்கள் காலத்தின் ராம.நாராயணன் என்று வர்ணித்தார் இயக்குனர் கரு.பழனியப்பன். ராம.நாராயணனைப் போல வருடத்துக்கு நாலு படம் பண்ணுவதால் இந்த அடைமொழி.
சுசீந்திரன் இயக்கியிருக்கும் ஜீவா இன்னும் வெளியாகவில்லை. அதற்குள் இரு படங்கள் அவர் கைவசம். ஒன்று விஷால், லட்சுமி மேனன் நடிக்கும் படம். இன்னொன்று வழக்கு எண் நாயகன் ஸ்ரீ நடிக்கும் படம்.
இதில் ஸ்ரீ நடிக்கும் படத்தை சுசீந்திரன் முதலில் இயக்குகிறார். இதில் ஸ்ரீ யுடன் சம்ஸ்க்ருதி செனாய் என்பவர் ஹீரோயினாக நடிக்க உள்ளார். நல்லு ஸ்டுடியோஸ் மற்றும் ஸ்டார் புரொடக்ஷன்ஸ் இணைந்து படத்தை தயாரிக்கின்றன. அக்டோபர் 6 -ஆம் தேதி படப்பிடிப்பு கோவையில் தொடங்குகிறது.
இந்தப் படத்துக்கு மணிரத்னம் தயாரிப்பில் வஸந்த் இயக்கிய நேருக்கு நேர் படத்தின் பெயரை வைத்துள்ளார். 1997 -இல் வெளியான நேருக்கு நேர் படத்தின் மூலமாகதான் சூர்யா சினிமாவுக்கு வந்தார் என்பது குறிப்பிடத்தக்கது.
