உத்தம வில்லன் படத்தின் இரண்டாம்கட்ட படப்பிடிப்பு ஹைதராபாத்தில் நிறைவடைந்துள்ளது. இதனைத் தொடர்ந்து பாடல் காட்சியை படமாக்குவதற்காக வெளிநாடு செல்கின்றனர்.
எட்டம் நூற்றாண்டு உத்தமன் என்ற நாடகக் கலைஞராகவும் 21 ஆம் நூற்றாண்டைச் சேர்ந்த மனோரஞ்சன் என்ற சினிமா நடிகராகவும் கமல் இரண்டு வேடங்களில் உத்தம வில்லனில் நடிக்கிறார். பூஜா குமார், ஆண்ட்ரியா, பார்வதி மேனன், ஜெயராம், ஊர்வசி, நாசர் இவர்களுடன் கே.பாலசந்தர். கே.விஸ்வநாத் ஆகியோரும் முக்கிய வேடங்களில் நடிக்கிறார்கள். ரமேஷ் அரவிந்த் இயக்கும் இந்தப் படத்தின் கதை, திரைக்கதை கமல், வசனம் கிரேஸி மோகன்.
ஹைதராபாத்தில் தொடங்கிய படப்பிடிப்பு கன்னட சினிமா தொழிலாளர்களின் வேலைநிறுத்தம் காரணமாக சென்னைக்கு மாற்றப்பட்டது. வேலை நிறுத்தம் விலக்கிக் கொள்ளபட்ட பின் மீண்டும் ஹைதராபாத்தில் படப்பிடிப்பு தொடர்ந்து நடந்தது.
இன்னும் சில தினங்களில் பாடல் காடசியை படமாக்க படக்குழு ஆஸ்ட்ரேலியா செல்லவுள்ளது. இந்தப் பாடல் காட்சியில் கமலுடன் ஆண்ட்ரியா, பூஜா குமார் ஆகியோரும் தோன்றயிருக்கிறார்கள்.