சென்ற வாரம் வெளியான இப்படம் விளம்பரங்களின் மூலம் மக்களிடையே ஓரளவு சென்றடைந்ததால் முதல் மூன்று தினங்களில் 6.5 லட்சங்களை வசூல் செய்துள்ளது. ரசிகர்களின் வாய் வழி விமர்சனம் படத்தை காப்பாற்றினால்தான் உண்டு.
அறிமுக இயக்குனரின் மதயானைக்கூட்டம் டிசம்பர் 25 கிறிஸ்மஸ் தினத்தில் வெளியானது. வார இறுதி மூன்று தினங்களில் 14.4 லட்சங்களை வசூலித்த படம் முதல் ஐந்து தினங்களில் 22.3 லட்சங்களை வசூலித்துள்ளது.
கமர்ஷியல் ஹிட் என்று கொண்டாடப்பட்ட இவன் வேற மாதிரி புதிய படங்களின் வரவால் வசூலை கணிசமாக இழந்துள்ளது. வார இறுதியில் 16.05 லட்சங்களையும், வார நாட்களில் 27.2 லட்சங்களையும் வசூலித்த படம் இதுவரை சென்னையில் வசூல் செய்திருப்பது 3.7 கோடிகள்.
பிரியாணிக்கு டிமாண்ட் இருக்கிறது. வார இறுதியில் 98 லட்சங்களை பிரியாணி வசூலித்துள்ளது. வார நாட்களில் 1.06 கோடி. இதுவரை 3.2 கோடிகளை படம் வசூலித்துள்ளது.
ரொமாண்டிக் காமெடிக்கு எப்போதும் வரவேற்பு உண்டு என்பதை நிரூபித்திருக்கும் படம். வார நாட்களில் 1.24 கோடியும், வார இறுதியில் 1.3 கோடியும் வசூலித்து 3.7 கோடிகளுடன் முதலிடத்தில் உள்ளது. தமிழகம் முழுவதும் படம் நல்ல வரவேற்புடன் ஓடிக் கொண்டிருப்பது, படம் சம்பந்தப்பட்ட அனைவரையும் புன்னகைக்க வைத்துள்ளது.