கலகலப்பாக மாறிய அஞ்சலியின் கஃபே
, புதன், 18 ஏப்ரல் 2012 (15:41 IST)
சுந்தர் சி. தனது மசாலா கஃபே படத்தின் பெயரை மாற்றப் போவதாக சொல்லியிருந்தார். கடைகோடி ரசிகனுக்கும் தெரியக் கூடியதாக இருக்க வேண்டும் என்பது அவரது எண்ணம்.அஞ்சலி, ஓவியா, விமல், சிவா நடித்திருக்கும் இந்தப் படம் ஒரு ரொமாண்டிக் காமெடி. சந்தானம் மூன்றாவது ஹீரோவாக படம் நெடுக பட்டைய கிளப்பியிருக்கிறார். தியேட்டருக்கு வந்தால் கலகலப்புக்கு பஞ்சமிருக்காது.இதன் காரணமாக மசாலா கஃபே என்ற பெயரை கலகலப்பு என்று மாற்றியிருக்கிறார்கள். கைகலப்பு அல்ல கலகலப்பு.இன்னும் சில தினங்களில் படத்தின் ஆடியோவை வெளியிட்டு மாணவர்களின் பரிட்சை முடிந்ததும் படத்தை வெளியிட தீர்மானித்திருக்கிறார்கள்.
