இந்திப் படத்துக்காக இளையராஜா இசையில் ஒரு பாடல் பாடியுள்ளார் ஸ்ருதிஹாசன்.
இளையராஜா இசையில் தேவர்மகன் படத்துக்காக போற்றிப்பாடடி பெண்ணே பாடலை தனது மழலைக் குரலில் ஸ்ருதி ஏற்கனவே பாடியுள்ளார். அப்போது அவர் குழந்தை.
இந்தியில் பால்கி தனது 3-வது படத்தை இயக்கி வருகிறார். ஸ்ருதியின் தங்கை அக்ஷராஹாசன்தான் அப்படத்தில் நாயகி. தனுஷ் நாயகன். அமிதாப்பச்சன் முக்கிய வேடத்தில் வருகிறார். முதலிரு படங்கள் - சீனி கம், பா - போலவே இந்தப் படத்திலும் ஒளிப்பதிவு பி.சி.ஸ்ரீராம், இசை இளையராஜா.
இந்தப் படத்துக்காக ஸ்ருதி ஒரு பாடலை இளையராஜா இசையில் பாடினார். திரையில் ஸ்ருதியின் குரலுக்கு வாயசைக்கப் போகிறவர் அவரது தங்கை அக்ஷராஹாசன்.
பால்கி தனது படத்துக்கு இன்னும் பெயர் வைக்கவில்லை.
