அஞ்சான் படம் 2.50 மணி நேரம் ஓடுகிறது. படத்தை ரசிகர்கள் கடுமையாக விமர்சித்ததைத் தொடர்ந்து எட்டு நிமிடங்கள் எடிட் செய்வதாக முதலில் தெரிவித்தனர். தற்போது இருபது நிமிடங்களாக அது அதிகரித்துள்ளது.
திரைக்கதை என்ற வஸ்து இல்லாமல் எடுக்கப்பட்ட அஞ்சானை இணையத்திலும், பத்திரிகைகளிலும் கடுமையாக விமர்சித்து வருகின்றனர். படத்தின் ஓபனிங் சரித்திர சாதனை என்று தயாரிப்பு தரப்பு சொன்னாலும் படம் ரசிகர்களால் நான்காவது நாளே புறந்தள்ளப்படுமோ என்ற அச்சம் அவர்களுக்கு உள்ளது.
திரைக்கு வந்த படத்தில் அதிகபட்சம் செய்யக்கூடியது மிக மோசமான காட்சிகளை எடிட் செய்வது மட்டும்தான். இடைவேளைக்கு முன்பு படம் 88 நிமிடங்கள் ஓடுகிறது. அதில் ஒன்பது நிமிடங்களை எடிட் செய்துள்ளனர். இடைவேளைக்குப் பிறகு 82 நிமிடங்கள் ஓடும் படம் 71 நிமிடங்களாக குறைக்கப்பட்டுள்ளது. மொத்தமாக இருபது நிமிடங்கள். 2.50 நிமிடங்கள் இருந்த படம் 2.30 நிமிடங்களாக குறைக்கப்பட்டுள்ளது.
எடிட் செய்யப்பட்ட அஞ்சான் வார நாட்களில் ரசிகர்களை ஈர்க்குமா என்பதை பொறுத்திருந்துதான் பார்க்க வேண்டும்.