விஜய் அப்படியே அஜித்துக்கு நேர்எதிர். அவர் படத்தின் புரமோஷனுக்கும் தலைகாட்ட மாட்டார். விஜய் அத்தியாவசியமான எல்லா நிகழ்ச்சிகளிலும் கலந்து கொள்வார். ராகுல் காந்தி போன்ற அரசியல்வாதிகளையும் அவ்வப்போது சந்தித்து சுற்றியிருப்பவர்களை சிந்திக்க வைப்பது இளைய தளபதியின் ஹாபி.
அவரின் சமீபத்திய விசிட் ஹைதராபாத்திலுள்ள ஃபேஸ்புக் அலுவலகம்.
இது ஃபேஸ்புக் எழுத்தாளர்களின் காலம். ஃபேஸ்புக்கில் கமெண்ட் எழுதும் பிராய்லர் எழுத்தாளர்கள் இப்போது இலக்கியவாதியின் இடத்தைப் பிடித்திருக்கிறார்கள். இவர்களின் நூல்களுக்குதான் அதிக விளம்பரம். தொலைக்காட்சிகளில் இவர்கள்தான் சிறப்பு விருந்தினர்கள்.
விஜய் இந்த ப்ராய்லர் வியாபாரத்திலிருந்து தள்ளியே இருக்கிறார்.
அதாவது விஜய் ஃபேஸ்புக்கில் இல்லை. ஆனால் ஃபேஸ்புக் அலுவலகத்திலிருந்து, எங்க ஆபிஸுக்கு வாங்க என்று அவருக்கே அழைப்பு அனுப்பினார்கள்.
அதை ஏற்று விஜய்யும் ஹைதராபாத் அலுவலகத்துக்கு விசிட் அடித்தார்.
இளையதளபதியும் இந்நேரம் ஃபேஸ்புக் கணக்கை தொடங்கியிருப்பார்.