இங்கிலாந்தில் நடைபெறும் இருபது ஓவர் கிரிக்கெட் உலகக் கோப்பை போட்டியில் சாம்பியன் பட்டம் வெல்லும் நிலையில் உறுதியாக தாங்கள் அணி இருப்பதாக தென் ஆப்பிரிக்க அணித் தலைவர் கிரேம் ஸ்மித் நம்பிக்கை தெரிவித்துள்ளார்.
இந்த தொடரில் இதுவரை தோல்வியை சந்திக்காத தென் ஆப்பிரிக்கா அணி, இந்திய அணியுடன் ஒரு போட்டியில் விளையாடவுள்ளது. இதில் முடிவு என்னவானாலும் தென் ஆப்பிரிக்க அணிக்கு எந்த வித பாதிப்பும் இல்லை.
எனவே அரையிறுதிக்கு முன்னேறும் இந்த அணி சாம்பியனாகும் அனைத்து தகுதிகளும் உடைய அணியாக நிபுணர்களால் கணிக்கப்பட்டிருந்தது.
இந்த நிலையில் தங்கள் அணி உலகக் கோப்பையை வெல்வதற்கான வாய்ப்புகள் பிரகாசமாக இருப்பதாக ஸ்மித் கூறியுள்ளார். இருப்பினும் இன்னமும் நீண்ட தூரம் பிரயாணிக்க வேண்டும் என்று அவர் அடக்கத்துடன் கூறியுள்ளார்.
தீவிரத்துடனும், எங்களிடம் உள்ள திறமையை முழு அளவிலும் வெளிப்படுத்தும் விதமாகவும் நாங்கள் விளையாடும் போது எங்களை வெல்வது கடினம் என்று கூறியுள்ளார் ஸ்மித்.
