“வாத்தி கம்மிங்…” ரோஜர் பெடரருக்கு விம்பிள்டன் கொடுத்த கேப்ஷன்… இணையத்தில் வைரல்!

டென்னிஸ் வீரர் ரோஜர் பெடரர் இந்த ஆண்டு விம்பிள்டன் போட்டியில் கலந்துகொள்ளவில்லை.

டென்னிஸ் ரசிகர்களின் மத்தியில் பிரபலமான தொடராக விம்பிள்டன் அறியப்படுகிறது. இந்த ஆண்டு விம்பிள்டன் டென்னிஸ் சாம்பியன்ஷிப் போட்டி இங்கிலாந்தில் நடைபெற்று வருகிறது இந்த தொடரில் பல்வேறு நாடுகளிலிருந்து டென்னிஸ் வீரர்கள் வீராங்கனைகள் பங்கேற்றுள்ளனர். காயம் காரணமாக ஜாம்பவான் வீரர் பெடரர் கலந்துகொள்ளவில்லை.

இந்நிலையில் போட்டியைக் காண வந்த அவரின் புகைப்படத்தைப் பகிர்ந்த விம்பிள்டன்  ‘வாத்தி கம்மிங்’ என்ற கேப்ஷனைக் கொடுத்துள்ளது. விஜய் நடிப்பில் சில வருடங்களுக்கு முன்னர் வெளியான மாஸ்டர் படத்தில் அனிருத் இசையில் உருவான  ‘வாத்தி கம்மிங்’ பாடல் பட்டிதொட்டியெங்கும் ஹிட் அடித்தது குறிப்பிடத்தக்கது.