ரோமென் பாவல் அதிரடி சதம்… இங்கிலாந்தை வீழ்த்திய வெஸ்ட் இண்டீஸ்!

வெஸ்ட் இண்டிஸுக்கு சுற்றுப்பயணம் மேற்கொண்டுள்ள இங்கிலாந்து அணி டி 20 தொடரை இழந்துள்ளது.

இங்கிலாந்து அணி இப்போது வெஸ்ட் இண்டீஸில் சுற்றுப்பயணம் மேற்கொண்டுள்ள நிலையில் முதலில் டி 20 தொடரில் விளையாடியது. இதில் நேற்று நடந்த மூன்றாவது டி 20 போட்டியில் முதலில் பேட் செய்த வெஸ்ட் இண்டீஸ் அணி ரோமென் பவலின் அதிரடி சதத்தால் 224 ரன்கள் சேர்த்தது. அந்த அணியின் நிக்கோலஸ் பூரன் 70 ரன்கள் சேர்த்திருந்தார்.

இதையடுத்து களமிறங்கிய இங்கிலாந்து அணியில் அந்த அணியின் விக்கெட் கீப்பர் போலன் 73 ரன்களும் பிலிப் சால்ட் 57 ரன்களும் சேர்த்தனர். ஆனால் மற்ற வீரர்கள் சொற்ப ரன்களில் ஆட்டமிழந்ததால் ஆட்ட முடிவில் 204 ரன்கள் மட்டுமே சேர்க்க முடிந்தது. இந்த வெற்றியின் மூலம் வெஸ்ட் இண்டீஸ் அணி 2-1 என்ற கணக்கில் தொடரைக் கைப்பற்றியுள்ளது.