இந்தியா- ஆஸ்திரேலியா டெஸ்ட் துவக்கம்!!

ஐசிசி டெஸ்ட் தர வரிசையில் முதல் இரண்டு இடங்களில் உள்ள இந்தியா மற்றும் ஆஸ்திரேலியா மோதும் இந்தத் தொடர், கிரிக்கெட் ரசிகர்களிடையே பெரும் எதிர்பார்ப்பை ஏற்படுத்தி உள்ளது. 

இந்தியா வந்துள்ள ஆஸ்திரேலிய அணி, நான்கு போட்டிகள் கொண்ட பார்டர்- கவாஸ்கர் டெஸ்ட் தொடரில் விளையாடுகிறது. முதல் டெஸ்ட் புனேயில் இன்று தொடங்கியது. டாஸ் வென்ற ஆஸி. கேப்டன் ஸ்டீவன் ஸ்மித் முதலில் பேட்டிங்கை தேர்ந்தெடுத்தார்.

இந்தியா - ஆஸ்திரேலியா அணிகளிடையே இதுவரை 90 டெஸ்ட் போட்டிகள் நடந்துள்ளது. அதில், ஆஸ்திரேலியா 40 வெற்றிகளையும், இந்தியா 24 வெற்றிகளையும் பெற்றுள்ளன. 25 போட்டிகள் டிராவில் முடிந்துள்ளன. 

14 முறை இந்தியாவில் சுற்றுப்பயணம் மேற்கொண்டதில், ஆஸ்திரேலியா அணியால் நான்கு முறை மட்டுமே தொடரை கைப்பற்ற முடிந்தது என்பது குறிப்பிடத்தக்கது.