சன்ரைசர்ஸ் ஹைதராபாத் அணிக்கு புதிய பயிற்சியாளர்.. லாராவின் பதவி காலம் முடிந்தது..!

சன்ரைசர்ஸ் ஹைதராபாத் அணியின் பயிற்சியாளராக இருந்த லாராவின் பதவி காலம் முடிவடைந்த நிலையில் தற்போது அணியின் நிர்வாகம் புதிய பயிற்சியாளரை நியமனம் செய்துள்ளதாக தகவல் வெளியாகியுள்ளன. 

ஐபிஎல் அணிகளில் ஒன்று சன்ரைசர்ஸ் ஹைதராபாத் அணி என்பதும் சன் குழுமத்திற்கு சொந்தமான இந்த அணி மிகச் சிறந்த அணிகளில் ஒன்றாக இருந்து வருகிறது என்பதும் தெரிந்ததே. 

இந்த நிலையில் ஐபிஎல் தொடரில் சன்ரைசர்ஸ் ஹைதராபாத் அணிக்கு புதிய பயிற்சியாளர் நியமனம் செய்யப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. 

நியூசிலாந்து கிரிக்கெட் அணியின் முன்னாள் கேப்டன் டேனியல் வெட்டோரி, என்பவர் தான் சன்ரைசர்ஸ் அணியின் புதிய தலைமை பயிற்சியாளராக நியமனம் செய்யப்பட்டுள்ளார். 

இதுவரை தலைமை பயிற்சியாளராக இருந்த லாராவின் பதவி காலம் முடிவடைந்த நிலையில் தற்போது அணி நிர்வாகம் புதிய பயிற்சியாளரை அறிவித்துள்ளது என்பது குறிப்பிடத்தக்கது

Edited by Mahendran