சீன ஓபன் டென்னிஸ் மகளிர் இரட்டையர் பிரிவில் இறுதிப் போட்டிக்கு சானியா மிர்ஸா - மார்ட்டினா ஹிங்கிஸ் ஜோடி தகுதி பெற்றது.
சீன ஓபன் டென்னிஸ் போட்டிகள் சீனத் தலைநகர் பெய்ஜிங்கில் தற்போது நடைபெற்று வருகின்றன. இன்று நடைபெற்ற மகளிர் இரட்டையர் பிரிவு அரையிறுதி ஆட்டத்தில் சானியா - ஹிங்கிஸ் ஜோடியும் சீனாவைச் சேர்ந்த சென் லியாங்- யபான் வாங் ஜோடியும் மோதியது.
சொந்த ஊரில் விளையாடினாலும் சீன ஜோடியால் சானியா ஜோடிக்கு ஈடு கொடுக்க முடியவில்லை. இதனால் சானியா ஜோடியின் அதிரடி ஆட்டத்தால் 6-2, 6-3 என நேர்செட் கணக்கில் வெற்றி பெற்று இறுதிப் போட்டிக்கு முன்னேறியுள்ளது. இந்த வெற்றியின் மூலம் இறுதிப் போட்டியில் சானியா ஜோடி , டெல்லாக்குவுா- ஸ்வெடோவா அல்லது ஹெச் சான்- ஒய் சான் ஜோடியை எதிர் கொள்ள இருக்கிறது.
சானியா- ஹிங்கிஸ் ஜோடி கடந்த சில மாதங்களில் விம்பிள்டன் மற்றும் அமெரிக்க கிராண்ட்ஸ்லாம் பட்டத்தை அடுத்தடுத்து வென்று டென்னிஸ் விளையாட்டில் உலக சாதனைப் படைத்தது வருகிறது என்பது குறிப்பிடத்தக்கது.