சென்னையிடம் இருந்து வெற்றியைப் பறித்த 19 வயது இளைஞர்! ஆட்டநாயகன் பிரியம் கார்க்!

நேற்றைய போட்டியில் சென்னை அணியிடம் இருந்து வெற்றியை தட்டிப் பறித்ததில் சன் ரைஸர்ஸ் அணியின் பிரியம் கார்க் முதன்மையானவர்.

நேற்றைய போட்டியில் சன் ரைஸர்ஸ் ஹைதராபாத் ஒரு கட்டத்தில் 69 ரன்களுக்கு 4 விக்கெட்களை இழந்து தடுமாறியது. அணியின் ரன்ரேட்டும் 7 க்கு கீழாகவே இருந்தது. ஆனால் அதன் பிறகு வந்த பிரியம் கார்க் மற்றும் அபிஷேக் நாயர் ஆகியோரின் சிறப்பான ஆட்டத்தால் சிறப்பான ஸ்கோரை எட்டினர். பிரியம் கார்க் சிறப்பாக விளையாடி 26 பந்துகளில் 52 ரன்களை சேர்த்தார். அணியின் முன்னணி வீரர்கள் அனைவரும் ஏமாற்றினாலும் பின்வரிசையில் வந்த இளம்வீரர்கள் அணியை சரிவில் இருந்து மீட்டனர்.

இந்நிலையில் ஆட்டநாயகன் விருது பெற்ற கார்க் ‘என் இயல்பான ஆட்டமாக அடித்து ஆடுவதையே விரும்பினேன். பவுலர்களின் பந்துவீச்சும் அதற்கேற்றார் போல இருந்தது. இதற்கு முந்தைய போட்டியில் நான் சிறப்பாக விளையாடவில்லை என்றாலும் என்னை அணியில் சேர்த்தனர். அபிஷேக் உடன் நான் என் சிறுபிராயம் முதல் பேட் செய்து வருகிறேன் எனவே புரிதல் எளிதாக இருந்தது. இன்றைய ஆட்டத்துக்குப் பிறகு தன்னம்பிக்கையும் வளர்ந்துள்ளது’ எனக் கூறியுள்ளார்.