உலகக்கோப்பைப் போட்டியின் இறுதிப் போட்டியில் பென் ஸ்டோக்ஸ் பேட்டில் பட்டு ஓவர்த்ரோவாக சென்ற ரன்களை அவர் ஏற்கவில்லை என ஜேம்ஸ் ஆண்டர்சன் கூறியுள்ளார்.
நடந்து முடிந்த உலகக்கோப்பை இறுதிப்போட்டி குறித்த இன்னும் முடிந்தபாடில்லை. பென்ஸ்டோக்ஸ் பேட்டில் பட்டு பவுண்டரிக்கு சென்ற ஓவர்த்ரோ குறித்து இன்னமும் விவாதங்கள் நடந்து வருகின்றன. விதிகளின் படி அதற்கு 6 ரன்கள் கொடுத்திருக்கக் கூடாது 5 ரன்களே கொடுத்திருக்க வேண்டும் எனவும் ஸ்டோக்ஸை நான் ஸ்ட்ரைக்கர் இடத்தில்தான் நிறுத்தியிருக்க வேண்டும் எனவும் கூறிவருகின்றனர்.
இந்நிலையில் இங்கிலாந்து அணியின் வேகப்பந்து வீச்சாளர் ஜேம்ஸ் ஆண்டர்சன் இது குறித்து புதுத்தகவலை வெளியிட்டுள்ளார். அதில் ‘ பேட்டில் பட்டு ஓவர்த்ரோ சென்ற ரன்கள் எங்களுக்கு வேண்டாம் என ஸ்டோக்ஸ் சென்று நடுவர்களிடம் கூறியுள்ளார். ஆனால் நடுவர்கள் இதற்கு மறுப்புத் தெரிவித்துள்ளனர். அதனால் தான் ஸ்டோக்ஸ் தான் வாழ்நாள் முழுவதும் வில்லியம்ஸனிடம் மன்னிப்புக் கேட்டார்’ எனக் கூறியுள்ளார்.