வெற்றி கணக்கை தொடங்குமா இந்தியா? – இன்று நியூஸிலாந்துடன் மோதல்!

உலகக்கோப்பை டி20 போட்டியில் இன்றைய ஆட்டத்தில் இந்தியா – நியூஸிலாந்து அணிகள் மோதவுள்ளன.

உலகக்கோப்பை டி20 போட்டி விமரிசையாக நடந்து வருகிறது. இந்நிலையில் இன்றைய ஆட்டத்தில் இந்தியா மற்றும் நியூஸிலாந்து அணிகள் மோதிக் கொள்ள உள்ளன. இரண்டு அணிகளுமே முந்தைய ஆட்டத்தில் பாகிஸ்தானிடம் தோல்வி அடைந்திருந்த நிலையில் இன்றைய ஆட்டம் இரு அணிகளுக்கும் முக்கியமானதாய் பார்க்கப்படுகிறது.

இதுவரை 16 முறை இந்தியா – நியூஸிலாந்து அணிகள் மோதிக் கொண்டுள்ள நிலையில் இரு அணிகளுமே தலா 8 போட்டிகளில் வென்றுள்ளன. ஆனால் கடைசி 5 ஆட்டங்களில் இந்தியா தொடர்ந்து வெற்றி பெற்றுள்ளது. இந்நிலையில் இன்றைய போட்டி வெகு ஆர்வமாக எதிர்பார்க்கப்படுகிறது.