தொடரை கைப்பற்றும் முனைப்பில் இந்தியா: இன்று தென்னாப்பிரிக்காவுடன் 5-வது ஒருநாள் போட்டி

இந்தியா - தென்னாப்பிரிக்கா அணிகள் இடையிலான 5-வது ஒருநாள் போட்டி போர்ட் எலிசபெத்தில் உள்ள செயின்ட் ஜார்ஜ் பார்க் மைதானத்தில் இந்திய  நேரப்படி இன்று மாலை 4.30 மணிக்கு நடைபெறுகிறது.

தென்னாப்பிரிக்கா சென்றுள்ள இந்திய அணி, 6 போட்டிகள் கொண்ட ஒருநாள் தொடரில் பங்கேற்று, 3-1  என்ற கணக்கில் முன்னிலை பெற்றுள்ளது. 

இந்நிலையில் இன்று நடைபெறும் 5-வது ஒருநாள் போட்டியை, இந்திய அணி வெல்லும் பட்சத்தில் தொடரை 4-1 என்ற கணக்கில் கைப்பற்றும். இதன்மூலம் இந்திய அணி தென்னாப்பிரிக்கா மண்ணில் முதல் முறையாக ஒருநாள் தொடரை வென்று சாதனை படைக்கும்.